අපක්ෂපාතී ගොසිප් නිවුස් වාර්තාකරණය
කෙසේවුවද මෙම ලියුම් කරු මොහොමඩ් වසීම් තාජුදීන්ගේ මරණය සම්බන්දයෙන් ක්‍රියාත්මක වුයේ අද මොහොමඩ් වසීම් තාජුදීන්ගේ "මාධ්‍ය අප්පච්චි" වීමට උත්සාහ දරන අය ,කාර් පර්මිට් එකට ,අඩු පොලි නිවාස ණයට ,ලැප්ටොප් එකට ,මෝටර් සයිකලයට, දරුවන් ජනප්‍රිය පාසල් වලට දමාගැනීම සදහා තම මාද්‍ය මෙහෙවර ගණිකා සේවයේ යොදවා තිබු සමයක බව අවධාරණයෙන් කියසිටින්නෙමු ,තවද අපහට සත්‍ය එලෙසින් ඔබවෙත ගෙන ඒමට අවස්ථාව ලබාදුන් පැත්ත ගියත් ඇත්ත පලකරන ‘ලංකා නිවුස් වෙබ්' මාධ්‍ය ජාලයටද අපගේ ස්තුතිය පළමුව පලකිරීමට කැමැත්තෙමි .
මෙය මහා මැතිවරණයක් පැවැත්වෙන සමයක සිදුවීම නිසා මෙම තරුණයාගේ අභිරස් මරණයට සාධාරණය ඉටුවේදැයි සැකයක් දැනටමත් මතුව ඇත. මන්ද යත් මළ මිනී සහ මිනී පෙට්ටි විකිණීම 1971 පසු පැවති සියලුම ලාංකීය මැතිවරණ වලදී තිබු ලක්ෂණයක් නිසාය .
මේ වන විට දෙහිවල ජුම්මා පල්ලි භූමියේ භූමිදානය කරතිබූ රගර් ක්‍රීඩක මෙහොමඩ් වසීම් තාජූඩීන්ගේ සිරුර ගොඩගෙන වැඩිදුර පරීක්ෂණ ආරම්භ කර ඇත. එය අපරාධ පරික්ෂණ දෙපාර්තමේන්තුව කළ ඉල්ලීමක් සලකා බලා කොළඹ මහේස්ත්‍රාත් අධිකරණය දුන් තීන්දුවක් අනුව සිදුවන්නකි.
කෙසේ වුවද මෙම තරුණයාගේ දේහය මතින් යම්කිසි අවස්ථාවාදී , මුල අමතක වන , කුහක දේශපාලකයන් පිරිසක් බොරදියේ මාළු බෑමට උත්සාහ කරනවානම් එය අප තරයේ හෙලා දකින බව සදහන් කලයුතුය ,එය මෙම අභිරහස් මරණය හෙළිදරවු කල අවස්ථාවේදී අප කිසිසේත් අපේක්ෂා නොකළ කාරණයක් බව අවධාරණය කලයුතුය. ගවේෂණාත්මක සත්‍ය තොරතුරු මත යුක්තිය සහ සාධාරණය වෙනුවෙන් කැපවූ මාධ්‍ය මෙහෙවරකදී මෙම තරුණයාගේ මරණය සම්බන්ධයෙන් පරීක්ෂණ කල කණ්ඩායම් සහ නිලධාරීන්ගෙන් අප ඇසුවේ පහත සදහන් ප්‍රශ්න පෙළයි .එය අතිශයෙන්ම ජනතා වාදී ප්‍රයත්නයකි.
ජිවිත හානියක් වීමට මෙවැනි රථයක් ධාවනය කලයුතු වේගය ශ්‍රී ලංකා පොලිසියට අනුව කොපමණද ?
මංතීරු දෙකක් සහිත මාර්ගයක ගසක් සහ කුඩා කඩයක් අතරින් පොලිසිය කියන අධික වේගයෙන් ධාවනය කල මෝටර් රථයක් අංශක 90ක් හැරී
ශාලිකා ක්‍රීඩා පිටියේ තාප්පයේ වැදුණු විට එකී මෝටර් රථයට විය හැකි හානිය කොපමණද ?
අධික වේගයෙන් ධාවනය කල මෝටර් රථයක් අංශක 90ක් හැරී තාප්පයේ වැදුණු විට එම පාරේ සලකුණු තිබ්බාද (ටයර් මාර්ක්) ?
වසීම් තාජුඩීන් පැදවූ රථයේ ටයර් වලට හානිවී තිබුණාද ?මෙපමණ වේගයකින් අනතුර සිදුවූ විට ටයර් බේරෙන්නේ කුමන හේතුවකටද ?
පොලිසිය සැක කරන ගින්න මෝටර් රථය තුලට පැමිණ ඇත්තේ මෝටර් රථයේ කුමන ඉස්ථානයෙන්ද ?
ගින්නෙන් වහා ගිනි ඇවිලෙන සුළු ඩෑෂ් බෝර්ඩ් ඉතිරිවූයේ කෙසේද ?
වසීම් තාජුඩීන් මෙපමණ වේගයෙන් මෝටර් රථය ධාවනය කලා නම් එයට හේතුව පොලිසිය සොයා බැලුවාද ?
වසීම් තාජුඩීන් මත්පැන් ගෙන තිබුණාද ?
මෙවැනි අනතුරක් සිදුවන විට අධික ශබ්දයක් එන අතර අනතුර සිදුවූ ඉස්තනයේ අවට නිවෙස් වල කට උත්තරවල තිබුන කරුණු මොනවාද ?
වසීම් තාජුඩීන්ගේ සීට් එක වැඩිපුර පිච්චුනේ කෙසේද ? ගින්න අනික් සීට් පුච්චන් බැහැ කිවුවාද ?
අනතුර වූ පාර්ක් රෝඩ් එකේ රාත්‍රී 1ට අනෙක් වාහන යන්නේ නැතිද ?
මියගිය වසීම් තාජුඩීන්ගේ පර්ස් එක කිලෝ මීටර 1.5 තුලදී දින කීපයකට පසුව හමුවූයේ කෙසේද ?
අධික වේගයෙන් මෝටර් රථ ධාවනය කරන අය වාහනයේ හෝ තමන්ගේ සාක්කුවේ තියන පර්ස් එක අතුරු පාරවල් වලට විසික් කරනවාද ?
වංගු සහිත පාරක් වන පාර්ක් රෝඩ් එකේ අනතුර වූ ස්ථානයේ සිට අවසන් වංගුවට ඇති දුර ? අවසන් වංගුවේ සිට අනතුර සිදුවූ ස්ථානයට පොලිසිය අනුමාන කරන වේගයට පිවිසීමට හැකිද ?ඒ අතරවාරේ තමන් ලග තිබෙන පර්ස් විසිකිරීමටත් හැකිද ?
අනතුරට භාජනය වූ රථයේ Saftey Ratings තිබෙනවද ?
අනතුරට භාජනය වූ රථයේ Crash Test සම්බන්දයෙන් පරීක්ෂණ කලාද ?
මෙහිදී අප විසින් මතුකළ තවත් කාරණයක් නම් මෙම අනතුර සිදුවීමට දින දෙකකට ප්‍රථම ශ්‍රී ජයවර්ධන පුර පාර්ලිමේන්තු පාරේ පැලවත්ත දෙසට යන විට ඇති පාලම ආසන්නයේ අයිතිකරුවෙකු නොමැති සහ අංක තහඩු නොමැති අබලන් වැන් රථයක් ගිනිගෙන තිබූ අතර අයිතිකරුවෙකු නොමැති අබලන් වැන් රථය ගිනි ගෙන දින දෙකකට පසුව වසීම් තාජුදින් තරුණයාගේ අභිරහස් මරණය සිදුවිය.
මේවන විට තාජුඩීන්ගේ මරණය සම්බන්ධයෙන් ශ්‍රී ලංකා පොලිසිය විසින් මහේස්ත්‍රාත්වරයා වෙත යැවූ විශේෂ වාර්ථාව මාධ්‍ය වෙත මේ වනවිට නිකුත් වි තිබේ. පසුගිය බදාදා එනම් 2015 අගෝස්තු 05 දරණ දින මහේස්ත්‍රාත් මුද්‍රාවෙන් මෙය අනුමත කර මුදාහැර තිබේ. සාක්ෂි සටහන් කිරීමේදී මරියානා රශ්මි ද සිල්වා, චාමින්ද ජෙයප්‍රකාශ්, මොහොමඩ් සාකීර් බදුර්දීන් යන පුද්ගලයින් විසින් තමනගේ සාක්ෂි ලබාදී ඇත.
කියවිම සදහා මෙම ලින්ක්(Link) එක වෙත යාහැක –https://goo.gl/photos/VNRG4NgKJwBSgRq16
කෙසේවුවද අපවෙත ලැබෙන නවතම තොරතුරු අනුව රගර් ක්‍රීඩක මෙහොමඩ් වසීම් තාජූඩීන්ගේ සිරුර ගොඩගෙන වැඩිදුර පරීක්ෂණ ආරම්භ කරීම සම්බන්ධයෙන් බලවත් සේ කලබලයට පත්වසිටින රාජපක්ෂ පවුලේ උදවිය මෙම තරුණයා ගේ මරණය සම්බන්ධයෙන් විවිධ මත විවිධ පුද්ගලයින් ලවා පලකිරීමට පටන් ගෙන ඇත.
පළමුව ගම්මන්පිල සාමාන්‍ය පරිදිම කරනු ලැබූ ගොන් කතාවක් කරනු ලැබූ රාජපක්ෂවරුන් එම ප්‍රකාශය සමාජයේ එතරම් තැනක් නොලැබුණු බැවින් එහි තවත් පියවරක් ලෙස අගෝස්තු 7 වනදා ලෙස නාමල් රාජපක්ෂ BBC සංදේශය සමග තම වාහනය තුල ගමන් කරන ගමන් සාකච්ඡාවක් ලබාදෙන අතර එහිදී වසීම් තාජුදින් ගැන නාමල්ගෙන් විමසා සිටින විටදී ඔහු තරමක් චකිතයෙන් තමන්ගේ ශරීරයේ විවිධ කොටස් ස්පර්ශ කරමින්, මොහොමඩ් අසාම් දෙස නොබලා වාහනයේ වීදුරුවෙන් එලිය බලාගෙන පිළිතුරු දෙන ආකාරය අපට දැක ගත හැකි විය. නාමල් තම සොහොයුරා ආරක්ෂා කිරීමට මෙම සාකච්ඡාව කරනු ලැබුවත්, නාමල් ගේ සාකච්ඡාව නරඹන ඕනෑම කෙනෙකුට නාමල්ගේ body language එක අනුව ඔහු බොරු කියන බව හොදින් වටහා ගත හැක .
නාමල් ,BBC සංදේශය කරනු ලැබූ සාකච්ඡාව දැක ගැනීමට පහත ලින්ක්(Link) එක හරහා යා හැක
http://www.bbc.com/sinhala/sri_lanka/2015/08/150807_sp_namal_rajapaksa_video
අගෝස්තු 10වෙනිදා මොහොමඩ් වසීම් තාජුදීන්ගේ දේහය ගොඩගන්නා බව දැනගත් රාජපක්ෂ වරුන් මෙම චෝදනාවෙන් නිදහස් වීම සදහා නීති උපදෙස් ලබාගෙන ඇත. ඒ අනුව ක්‍රියාත්මක වෙමින් තාජුඩීන්ගේ මරණය සම්බන්ධයෙන් ශ්‍රී ලංකා පොලිසිය විසින් මහේස්ත්‍රාත්වරයා වෙත යැවූ විශේෂ වාර්ථාව රාජපක්ෂ හිතවාදී වෙබ් අඩවි හරහා මාධ්‍ය වෙත මේ වනවිට නිකුත් කිරීමට කටයුතු කල යෝෂිත රාජපක්ෂ ගලවාගැනිමේ නීති උපදේශක කණ්ඩායම තවදුරටත් උපදෙස් දී ඇත්තේ මෙම මරණය වන විට යෝෂිත රාජපක්ෂ මෙම මරණය සිදුවන විට රටින් බැහැරව සිටි බවට ඒත්තු ගැන්වීමේ ව්‍යාපාරයක් දියත් කලයුතු බවයි .
තවද අවශ්‍ය වුවහොත් උසාවියට දැනුම් දියයුතු බවත් ඒසදහා අවශ්‍ය පසුබිම සහ සාක්ෂි ගොනු කිරීමට කටයුතු කරන ලෙසයි .
මේ නිසා නියත වශයෙන්ම ඉදිරියදී රාජපක්ෂවරුන් විසින් ප්‍රකාශයක් සිදුකිරීමට නියමිතව ඇති අතර, එහිදී යෝෂිතව බේරා ගැනීමේ පළමු පියවර ලෙස මෙම සිදුවීම වන විටදී යෝෂිත රටින් බැහැරව සිටි බවට ප්‍රකාශ කරනු ඇත.සැබවින්ම මෙය තවත් දුමින්ද සිල්වා ගණයේ නඩුවක් වීමටද ඉඩකඩ ඇති බව මේ පිලිබදව අදහස් පලකල මධ්‍යස්ථ නීති විශාරදයෙකු අප හා පැවසීය.
ඉන්පසු රථවාහන අංශයේ ස්ථානාධිපතිවරයාගේ ලිපිගොනුව අනුර සේනානායක භාරයට ගෙන අස්ථාන ගත කරන ලදී. ඉන් නොනැවතුණු අනුර සේනානායක රථවාහන අංශයේ ස්ථානාධිපතිවරයා කිරුළපන පොලීසියෙන් බැහැරට මාරු කර යවන ලදී. ඉහලින් ලද නියෝගයකට අනුව අනුර සේනානායක තම කාරිය අකුරටම ඉටු කිරීමෙන් පොලීසිය සතු සියළුම සාක්ෂි සහමුලින්ම මකා හැර ඇත. මේ පිළිබඳ පරීක්ෂණ පවත්වන පිරිස් මේ තත්වය පිළිබඳව වඩා විමසිලිමත් විය යුතුය. කිරුළපන පොලිස් ස්ථානයේ එවක හිටපු රථවාහන අංශයේ ස්ථානාධිපතිවරයා මෙහි මූලික සාක්ෂිකරුවෙකු කළ යුතුය.
කෙසේවුවද ජනතා හිතවාදී මාධ්‍ය කරුවන් හැටියට අපගේ ප්‍රාර්ථනය යුක්තිය සහ සාධාරණත්වය ඉටුවේවා යන්නයි, එසේ නොමැතිව මොහොමඩ් වසීම් තාජුදීන් තවත් එක්නැලිගොඩ කෙනෙකු හෝ ලසන්ත කෙනෙකු වී මැතිවරණ වේදිකාවල විකිණෙන මළ මිනියක් නොවේවායි අපගේ ඒකායන පැතුමයි !
යහපාලනය පතන සැමගේ පැතුම එයයි !
