අපක්ෂපාතී ගොසිප් නිවුස් වාර්තාකරණය
මොන වගේ පදනමක් මතද තෝරා ගන්නේ? එකම විදියේ චරිත දෙකක් ටෙලි නාට්‍ය දෙකක රඟපාන්නෙ නැහැ. චරිත දෙක තුළ සමානකම් තිබුණත් මොකක් හෝ වෙනසක් තිබිය යුතුයි. මුතුවැස්සේ අමාලිගෙ චරිතයත් ඒ විදියේ වෙනසක් තියෙන චරිතයක්.
මොකක්ද ඒ වෙනස? අමාලි වැදගත් පවුලක එකම ගෑනු දරුවා. දෙමාපියන්ගේ ආදරය මැද හැදෙන නිවැරදි තීරණ ගන්න ගෑනු ළමයෙක් තමයි අමාලි. මම ‘පොඩි මාමා’ ටෙලි නාට්‍යයේ රඟපෑවේ ඊට සම්පූර්ණයෙන්ම ප්‍රතිවිරුද්ධ චරිතයක්. ‘පොඩි මාමා’ ඉවර වෙන්න ළංවෙනවිටම තමයි මුතුවැස්ස විකාශයවීම පටන් ගත්තේ. එකිනෙකට වෙනස් චරිත දෙකක් එක ළඟ කාලයක විකාශය වීම ලොකු සතුටක්.
බොහොම නපුරු දුෂ්ට ගති තියෙන කෙනකුගෙ චරිතයක්. එහෙම නැත්නම් විරූපි මහලු ගැහැනියකගෙ චරිතයක් ලැබුණොත් ඒක භාරගන්නවද?
ගොඩක් මහලු කාන්තාවකගේ චරිතයක් නම් මට ලැබෙන එකක් නැහැ. ඒත් දරුවන් සිටින මැදිවියේ පසුවන කාන්තාවකගේ චරිතයක් එහෙම නැත්නම් දුක් විඳින තරුණියකගෙ චරිතයක්. විරූපී ගැහැනියකගේ චරිතයක් රඟපාන්න ලැබුණොත් බොහොම ආශාවෙන් ඒ චරිතය භාරගන්නවා. ඒත් නපුරු දුෂ්ට ගති තියෙන කෙනෙකුගේ චරිතයක් නම් භාරගන්නෙ නැහැ.
නිළියක් විදියට කාර්යබහුලවීම සාමාන්‍ය ජීවිතයට බලපානවද? අනේ ඔව්. සතිය පුරාම මං රඟපෑ ටෙලි නාට්‍ය විකාශය වනවා. ඒත් සමහර වෙලාවට මට ඒවා බලන්න ලැබෙන්නෙ නැහැ. මම රූගත කිරීම් ඉවර වෙලා ගෙදර එනකොට ටෙලි නාට්‍ය විකාශය වෙලා ඉවරයි. පහුවදා පාන්දර ආයෙම ෂූටිං... කාර්යබහුලකම හින්දා ගෙදර ගතකරන්න ලැබෙන කාලය අඩුයි.
විවාහ වුණදාට ඔය තත්ත්වය ප්‍රශ්නයක් වේවි... (හිනැහී) විවාහය ගැන තවම හිතලා නැහැ. ඒ හින්දා විවාහ වුණදාට රඟපෑම ප්‍රශ්නයක් වේවිද කියල තවම හිතල නැහැ.
ඒ වුණාට රුවන්ගිගෙ සමකාලීන නිළියෝ දැන් පතිකුලයට යනවා. ඒ අය පතිකුලයට යන්නේ ඒ අයගේ තීරණය මත. ඒක මට අදාළ නැහැ.
රුවන්ගි සදාකාලිකව තනිකඩව ඉන්නද කල්පනාව? ඒ වගේ අදහසක් නම් මට නැහැ. මං හිතන්නෙ විවාහය ගැන අදහසක් එන්නේ සුදුසු කෙනකු හමුවෙලා ආදරයක් ඇතිවෙලා විවාහවිය යුතුයි කියන තීරණයට ආවම. මටත් ඒ වගෙ තත්ත්වයක් උදාවූ දාක මමත් විවාහය ගැන හිතනවා.
ආරියවංශ කුලතිලක